کوٹ ادو کے شہر سنانواں میں آن لائن جعلی حکیموں کی بھرمار ،عوام لٹنے لگی

 سوشل میڈیا ،فیس بک اور ویٹس ایپ پر اپنی حکمت کا اشتہارا لگاؤ اور لاکھوں روپے کماؤ کوٹ ادو کے شہر سنانواں میں سوشل میڈیا کے جعلی حکیموں کی بھرمار ،فیس بک پر حکمت کے اشتہارات لگا کر عوام کو دونوں ہاتھوں سے لوٹا جارہا ہے 

۔سنانواں میں اٹھارہ اٹھارہ سال کے  نوجوان سب کام کاج چھوڑ کر حکیم بنے ہوئے ہیں ۔فیس بک پر پیج بنا کر ،مختلف فرنچائز کے مالکان سے کسی اور کے نام کی سمز لیکر ویٹس ایپ بنائے ہوئے ہیں اور مردانہ کمزوری کی ادویات دھڑلے سے بیچ رہے ہیں ۔سنانواں کے ایک شہری نے اپنی فیس بک پر بڑی مزیدار پوسٹ لگائی ہے ۔

شرمگاہ تنگ کرنے کی ادویات ،عضو تناسل کو بڑا کرنے کی ادویات اور مردانہ کمزوری کی ادویات تھوک پرچون کے حساب سے ان لائن فروخت کی جارہی ہیں ۔

حکمت سے کام وابستہ ایک لڑکے اپنا نام ظاہر نہ کرنے کی شرط پر بتایا کہ مختلف حکیموں کی ویڈیوز ڈاون لوڈ کی ہوئی ہے جب کوئی ویریفکیشن کے لئے کال کرتا ہے تو دوسرے موبائل پر ویڈیو چلا کر کسی حکیم کی ویڈیو دکھائی جاتی ہے ۔کسٹمر مطمئن ہوکر میڈیسن کا آرڈر کردیتا ہے ۔اور انگلش ادویات کو رگڑ کر دس بارہ کیپسول بنا کر بھیج دئیے جاتے ہیں ۔اکثر آرڈر 20 سے پچیس ہزار کے بھی ملتے ہیں ۔اج کل حکمت کا کام بہت کم ہوگیا ہے ۔ بہت لوگ آوٹ اف کنٹری کا اشتہارات لگا کسٹمر سے پیسے منگواتے ہیں اور پھر بلاک کردیتے ہیں ۔

ہمارے ساتھ سعودی عرب سے ایک نوجوان نے رابطہ کیا اور اس نے بتایا مجھے شوگر ہے اور مردانہ کمزوری بھی ہے ۔میں نے میڈیسن کے لئے پچیس ہزار روپے بھیجے اور پھر وہ جعلی حکیم مجھے بلاک کرگیا ۔میں نے ایف آئی اے میں متعلقہ بینک ہولڈر کے خلاف درخواست دی ہوئی ہے 

سنانواں میں مختلف نوجوان نے سیکسی کھلونے بیچنے شروع کردئیے ہیں ۔

شہریوں نے متعلقہ اداروں سے لیپرڈ اور ٹی سی ایس اکاونٹ ہولڈر کے تمام ڈاکومنٹس کی ویریفکیشن کا مطالبہ کیا ہے

مظفرگڑھ: ممکنہ سیلاب سے نمٹنے کیلئے دریائے چناب کنارے ریسکیو 1122 کی فرضی مشقیں

 ریسکیو1122 مظفرگڑھ کی جانب سے سیلابی صورتحال کے پیشِ نظر دریائے چناب کے مغربی کنارے پر فرضی مشقوں کا انعقاد کیا گیا۔  ڈپٹی کمشنر نے دریائے چناب کنارے فرضی مشقوں کا معائنہ کیا۔ فرضی مشقوں  میں سول ڈیفنس، ہیلتھ ڈیپارٹمنٹ، لائیو سٹاک کے ساتھ ساتھ دیگر فلاہی تنظیموں دوآبہ فائونڈیشن اور  ایف ڈی او  کی جانب سے سٹالز بھی لگائے گئے۔  ڈپٹی کمشنر مظفرگڑھ میاں عثمان علی نے ریسکیو 1122 کی کارکردگی کو نہایت متاثر کن قرار دیتے ہوئے کہا کہ ریسکیو1122 بلاشبہ وہ واحد ادارہ ہے جس کی کار کردگی دیگر اداروں کے لئے مشعل راہ ہے انہوں نے کہا کہ ان عملی مشقوں سے ہمیں اپنی استعداد کار کا اندازہ ہوتا ہے جسکی بنیاد پر ہم اپنی کمی کوتاہیوں کو بروقت پورا کر سکتے ہیں۔   اس موقع پر  ڈپٹی کمشنر نے دیگر اداروں کے کنٹیجنسی پلانز اور تیاریوں کا جائزہ بھی لیا ۔  ڈپٹی کمشنر نے ریسکیو 1122 کی فرضی مشقوں  کو سراہاتے ہوئے  ریسکیورز کی بہترین کارکردگی پر انہیں شاباش بھی دی۔ 

ڈسٹرکٹ ایمرجنسی آفیسر ڈاکٹر حسین میاں نے ڈپٹی کمشنر میاں عثمان علی کو ریسکیو 1122 کی جانب سے  سیلاب کے حوالے سے  کئے  جانیوالے انتظامات اور مظفرگڑھ کے ایسے تمام مکامات کے بارے بریفنگ دی جنہیں سیلابی صورتحال میں زیادہ خطرات لاحق ہو سکتے ہیں۔ فرضی مشقوں میں ریسکیو1122 کے اہلکاروں کی جانب سے انسیڈنٹ کمانڈ پوسٹ، کشتی رانی، ڈوبتے ہوئے شخص کو بچانے کی مشق سمیت میڈیکل فرسٹ ایڈ، تیراکی اور غوطہ خوری جیسی عملی مشقوں کا مظاہرہ بھی کیا گیا۔اس موقع پر ڈسٹرکٹ ایمرجنسی آفیسر ڈاکٹر حسین میاں نے  بتایا کہ پی ڈی ایم اے کی جانب سے رواں سال میں گزشتہ سال کی نسبت زیادہ بارشوں کا امکان ظاہر کرتے ہوئے جولائی کے آخری ہفتہ میں سیلابی صورتحال کی وارننگ جاری کی گئ ہے اور ان مشقوں کا مقصد ممکنہ سیلابی صورتحال کے حوالہ سے آلات اور ریسکیو کی کارکردگی کو جانچنا اور قبل از وقت تیاری کے ساتھ ساتھ دیگر اداروں کے درمیان سیلابی صورتحال میں باہمی تعاون کو بہتر بنانا ہے۔ انہوں نے کہا کہ اگر ہمیں خدا نخواستہ سیلابی صورتحال کا سامنا کرنا پڑتا ہے تو ہماری تیاریاں مکمل ہیں ہم فوری طور پر قبل ازوقت وارننگ جاری کررے ہوئے لوگوں کی فلڈ ریلیف کیمپس میں منتقلی کو یقینی بناتے ہوئے لوگوں کی جان و مال اور املاک کا تحفظ یقینی بنائیں گے۔ اس موقع پرپی ڈی ایم اے سے عرفان سیال، ڈی ایچ او اسلم منہاج، محکمہ تعلیم سے شاہد سیال، ڈسٹرکٹ سیکرٹری آرٹی اے ثنا اللہ ریاض، سول سوسائٹی  سے ناظم بلوچ سمیت متعلقہ محکموں کے افسران و اہلکاران نے شرکت کی۔

کوٹ ادو میں غیرت کے نام پر ایک گھر میں گھس کر شادی شدہ جوڑے کو قتل کردیا گیا

 کوٹ ادو میں غیرت کے نام پر ایک گھر میں گھس کر شادی شدہ جوڑے کو قتل کردیا گیا،،پولیس کیمطابق جوڑے کو مقتولہ کے بھائی،والد اور شوہر سمیت دیگر اہلخانہ نے قتل کیا.مقتولہ نے ایک سال قبل اپنے پہلے شوہر سے تنسیخ نکاح کرواکر گھر سے بھاگ کر دوسری شادی کی تھی.

کوٹ ادو کے علاقے سنانواں میں غیرت کے نام پر ایک گھر میں گھس کر شادی شدہ جوڑے کو قتل کردیا گیا.پولیس کیمطابق شازیہ بی بی نے ایک سال قبل ہی گھر سے بھاگ کر اپنے پہلے شوہر تنویر سے تنسیخ نکاح کروایا تھا،، اور بعدازاں طارق سے پسند کی دوسری شادی کی تھی.شازیہ کے اہلخانہ نے طارق کیخلاف اغواء کا مقدمہ بھی درج کروایا تھا مگر بعدازاں جوڑے کی جانب سے نکاح نامہ ملنے کے بعد اغواء کا مقدمہ بھی خارج ہوگیا تھا،،خاتون کے نزعی بیان اور اہلخانہ کیمطابق مقتولہ شازیہ بی بی کے بھائی دلاور،والد ہاشم اور سابقہ شوہر تنویر سمیت کئی افراد گھر میں داخل ہوئے اور فائرنگ کرکے جوڑے کو قتل کردیا، واقعے کے بعد دونوں مقتولین کی لاشوں کو پوسٹ مارٹم کے لیے دیہی مرکز صحت سنانواں منتقل کردیا گیا ہے،،ایس ایچ او تھانہ سنانواں شاہد رضوان کیمطابق واقعے کا مقدمہ درج کرکے ملزمان کی گرفتاری کیلئے چھاپے مارے جارہے ہیں