کوٹ ادو سلطان کالونی رات گئے گھروں میں ڈکیتیاں کرنے والے دو ڈکیت عوام کے ہتھے چڑھ گئے

 سلطان کالونی میں ڈکیتی کے لیے گھر گھسنے والے 2 مبینہ ڈاکوؤں کو شہریوں نے پیچھا کرکے پکڑلیا،مبینہ ڈاکوؤں کی جانب سے فائرنگ بھی کی گئی،،پکڑنے کے بعد تھپڑوں اور ڈنڈوں سے چھترول کرنے کے بعد دونوں مبینہ ڈاکوؤں کو پولیس کے حوالے کردیا گیا،،

کوٹ ادوکے علاقے سلطان کالونی میں 3 مبینہ ڈاکوؤں نے ڈاکٹر رمضان نامی ایک شہری کے گھر میں ڈکیتی کی کوشش کی.اہلخانہ کو پتہ چلا تو مبینہ ڈاکوؤں نے پیچھا کرنے والے افراد پر فائرنگ بھی کی،،اہل علاقہ نے پیچھا کرنے کے بعد 2 مبینہ مسلح ڈاکوؤں کو پکڑلیا،تھپڑوں اور ڈنڈوں سے چھترول کرنے کے بعد دونوں مبینہ ڈاکوؤں کو تھانہ سنانواں پولیس کے حوالے کردیا گیا،جبکہ ڈاکوؤں کا ساتھی تیسرا مسلح ڈاکو فرار ہونے میں کامیاب ہوگیا،،پولیس کیمطابق پکڑے جانے والے ڈاکوؤں سے تحقیقات اور تیسرے فرار ہونے والے ڈاکو کی تلاش جاری ہے.