دبئی میں لڑکی کیساتھ عشق میں مبتلا ہونیوالا وزیرستان کا نوجوان مظفرگڑھ پہنچ گیا، لڑکی نے شادی کرنے کے لیے دریا میں چھلانگ لگانے کی انوکھی شرط رکھ دی، نوجوان نے ہیڈمحمد والا کے نزدیک ٹی پی لنک کینال میں چھلانگ لگاکر اپنی محبت کا ثبوت پیش کردیا، مقامی افراد نے نوجوان کو باہر نکال کر پولیس کے پولیس کے حوالے کردیا۔



مظفرگڑھ کے علاقے ہیڈ محمدوالا کے نزدیک گزرنے والی ٹی پی لنک کینال میں نوجوان نے لڑکی کیطرف سے شادی کرنے کے لیے انوکھی شرط پر چھلانگ لگادی۔ جبکہ نہر میں چھلانگ لگانیوالے نوجوان کو مقامی افراد نے اپنی مدد آپ کے تحت نکال لیا۔ اور ڈیرہ اسماعیل خان کے رہائشی لڑکے حسیب اور ملتان کی رہائشی لڑکی ریحانہ کو سلطان کالونی پولیس ساتھ لے گئی۔ جبکہ لڑکے حسیب کیمطابق لڑکی ریحانہ میرے ساتھ دبئی میں کام کرتی تھی جس نے پاکستان آکر شادی کا وعدہ کیا۔ اور لڑکی نے شادی کرنے کے لیے دریا میں چھلانگ لگانے کی شرط رکھی تھی جس کیوجہ سے چھلانگ لگائی۔ لیکن اب محبت سے توبہ کرتا ہوں۔ پولیس کیمطابق لڑکا اور لڑکی آپس میں محبت کرتے ہیں۔ جبکہ ٹی پی لنک کینال میں چھلانگ لگانے پر لڑکے کیخلاف قانونی کاروائی کی جارہی ہے۔